Магіляўчанка Вольга Бадзелька выступіць на Кубку свету сярод жанчын па шахматах

Сёння ў забаўляльным цэнтры «Галактыка» горада Сочы (Расія) стартавалі Кубак свету ФІДЭ 2021, а таксама Кубак свету сярод жанчын па шахматах.

У Кубку свету сярод жанчын удзельнічаюць 103 шахматысткі, якія будуць змагацца за прызавы фонд 676 250 долараў і тры запрашэнні ў Турнір прэтэндэнтак-2022. У Кубку ўдзельнічаюць наймацнейшыя шахматысткі свету. Беларусь у гэтым турніры прадстаўляе жаночы міжнародны гросмайстар з Магілёва Вольга Бадзелька.У 1/64 фіналу яна згуляе з жаночым майстрам ФІДЭ Джэмал Авездурдыевай з Туркменістана.

Спаборніцтвы ў Сочы будуць праходзіць па 5 жніўня.

mogilevnews.by