Магілёўская абласная бібліятэка праводзіць конкурс сярод людзей з інваліднасцю па зроку

Да 140-годдзя з дня нараджэння Я. Купалы і Я. Коласа Магілёўская абласная бібліятэка ім. У.І. Леніна праводзіць конкурс «Зямлі вялікай галасы» сярод людзей з інваліднасцю па зроку на лепшае чытанне твораў класікаў беларускай літаратуры. Пра гэта паведамляецца на афіцыйным сайце Магілёўскага гарвыканкама.

Намеснік дырэктара па асноўнай дзейнасці бібліятэкі Вольга Чумакова расказала:

– Мэта конкурсу – папулярызацыя творчай спадчыны класікаў беларускай літаратуры, павышэнне творчай актыўнасці, мастацкага ўзроўню, выканальніцкага майстэрства і сцэнічнай культуры людзей з абмежаванымі магчымасцямі па зроку.

Удзел у конкурсе да 1 снежня могуць прыняць людзі з інваліднасцю па зроку з усіх рэгіёнаў Магілёўскай вобласці незалежна ад узросту.

СБ