Магілёўская вобласць нарошчвае тэмпы аздараўлення дзяцей, пацярпелых ад катастрофы на ЧАЭС

У Магілёўскай вобласці колькасць дзяцей, якія пацярпелі ад катастрофы на Чарнобыльскай АЭС і прайшлі санаторна-курортнае лячэнне або аздараўленне, за першы квартал 2020 года павялічылася ў параўнанні з аналагічным перыядам мінулага года. Гэта вынікае з інфармацыі, размешчанай на сайце Рэспубліканскага цэнтра па аздараўленні і санаторна-курортным лячэнні насельніцтва.

– У I квартале 2020 года ў Магілёўскай вобласці скарысталіся санаторна-курортным лячэннем і аздараўленнем 2819 дзяцей і падлеткаў вобласці, якія пацярпелі ад катастрофы на ЧАЭС, з іх 2782 – у складзе арганізаваных груп, 37 дзяцей ва ўзросце ад 3 да 6 гадоў, якія пражываюць на тэрыторыі радыеактыўнага забруджвання, – у суправаджэнні бацькоў, – праінфармавалі ў цэнтры.

Для параўнання: у першым квартале 2019 года санаторна-курортным лячэннем і аздараўленнем скарысталася 2718 дзяцей і падлеткаў, у тым ліку 2662 – у складзе арганізаваных груп, 54 ва ўзросце ад 3 да 6 гадоў – у суправаджэнні аднаго з бацькоў.

За студзень–сакавік 2020 года дзеці атрымлівалі аздараўленне і лячэнне ў 22 здраўніцах, размешчаных як на тэрыторыі Беларусі, так і за яе межамі (год таму – у 19), 140 дзяцей і падлеткаў скарысталася санаторна-курортным лячэннем у санаторыі «Белая Русь» у Туапсэ (годам раней 55 чалавек аздараўлялася ў санаторыі «Беларусь» у Сочы, 86 – у санаторыі «Белая Русь» г. Туапсэ).

Раней паведамлялася, што ў Беларусі ў 2019 годзе на санаторна-курортнае лячэнне і аздараўленне насельніцтва, пацярпелага ад катастрофы на Чарнобыльскай АЭС, са сродкаў рэспубліканскага бюджэту было выдзелена 91,5 мільёна рублёў. Асаблівая ўвага ўрадам і Рэспубліканскім цэнтрам па аздараўленні і санаторна-курортным лячэнні насельніцтва надаецца арганізацыі лячэння і аздараўлення дзяцей, якія пражываюць і навучаюцца на забруджаных радыенуклідамі тэрыторыях рэспублікі. У 2019 годзе прайшло лячэнне і аздараўленне больш за 87 тысяч такіх дзяцей.

Забеспячэнне пацярпелага насельніцтва санаторна-курортным лячэннем і аздараўленнем з’яўляецца адной з прыярытэтных задач дзяржаўнай праграмы па пераадоленні наступстваў катастрофы на Чарнобыльскай АЭС на 2011–2015 гады і на перыяд да 2020 года.

СБ