Дэлегацыя Магілёўскай вобласці на чале з намеснікам старшыні Магілёўскага аблвыканкама Русланам Страхарам 21-22 снежня з афіцыйным візітам наведвае Рэспубліку Арменія.
У першы дзень адбыўся візіт дэлегацыі Прыдняпроўскага краю ў Вайоцдзорскую вобласць, дзе Руслан Страхар сустрэўся з губернатарам рэгіёну Коля Мікаелянам. У сустрэчы прыняў удзел Надзвычайны і Паўнамоцны Пасол Рэспублікі Беларусь у Рэспубліцы Арменія Аляксандр Канюк. Бакі адзначылі дынамічнае развіццё гандлёва-эканамічных адносін. Так, знешнегандлёвы абарот Магілёўскай вобласці і Рэспублікі Арменія за апошнія пяць гадоў павялічыўся ў 4,8 раза, з $4 млн. да $19,5 млн. На армянскім рынку запатрабавана прадукцыя магілёўскіх арганізацый. Гэта малочная прадукцыя, ліфты, лесаматэрыялы, тара пластмасавая, тканіны баваўняныя і іншая прадукцыя. У ходзе перагавораў абмяркоўваліся асноўныя напрамкі ўзаемадзеяння паміж рэгіёнамі, а таксама дасягнута дамоўленасць устанавіць супрацоўніцтва паміж Магілёўскай і Вайоцдзорскай абласцямі.
Важным мерапрыемствам як для Рэспублікі Беларусь, так і для Магілёўскай вобласці стала адкрыццё першай беларуска-армянскай зборачнай вытворчасці ААТ «Магілёўліфтмаш» у Рэспубліцы Арменія на базе ЗАТ «РАФЭЛГРЫГ» у Ехегнаглядзе Вайоцдзорскай вобласці. У адкрыцці прынялі ўдзел Аляксандр Канюк, Барыс Страхар, Коля Мікаелян, а таксама генеральны дырэктар ААТ «Магілёўліфтмаш» Сяргей Чарткоў і кіраўнік ЗАТ «РАФЭЛГРЫГ» Левон Грыгаран. Адкрыццё зборачнай вытворчасці дазволіць ААТ «Магілёўліфтмаш» істотна нарасціць аб'ёмы паставак ліфтаў на армянскі рынак ужо ў 2024 годзе.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.07.2024 - 11:22
Аграрыі Магілёўскай вобласці намалацілі 118,1 тыс.тон збожжавых і зернебабовых культур
15.07.2024 - 09:53
У ТАА «Быхаўскі кансервавы завод» ідзе ўборка зялёнага гарошку
12.07.2024 - 15:12
Фабрыка «Чырвоны харчавік» адкрыла фірмовую краму на «Славянскім базары» ў Віцебску
09.07.2024 - 10:52