Магілёўская вобласць прымае ўдзел у юбілейным Форуме рэгіёнаў Расіі і Беларусі ва Уфе

Х Форум рэгіёнаў Расіі і Беларусі адкрыўся 26 чэрвеня ва Уфе (Рэспубліка Башкартастан). Асноўная тэма – «10-годдзе форуму рэгіёнаў Расіі і Беларусі: вынікі і перспектывы». Удзел у ім прымае і наш рэгіён на чале з губернатарам Магілёўскай вобласці Анатолем Ісачанкам. У складзе дэлегацыі Магілёўшчыны прадстаўнікі дэпутацкага корпуса, Магілёўскага аблвыканкама, Магілёўскага і Бабруйскага гарвыканкамаў, райвыканкамаў, кіраўнікі прадпрыемстваў і ўстаноў адукацыі, Магілёўскай філіі «Белмытсэрвіс». Падчас мерапрыемстваў запланавана падпісанне шэрагу міжурадавых і міжрэгіянальных пагадненняў аб супрацоўніцтве.

Так, за тры дні форуму запланавана падпісанне Пагаднення паміж Астраханскай і Магілёўскай абласцямі аб ажыццяўленні міжнародных і знешнеэканамічных сувязей у гандлёва-эканамічнай, навукова-тэхнічнай, сацыяльна-культурнай і гуманітарнай сферах. А таксама два пагадненні і два планы мерапрыемстваў на ўзроўні Заканадаўчай улады.

У прыватнасці Пагадненне аб супрацоўніцтве і развіцці ўзаемаадносін паміж Магілёўскім абласным Саветам дэпутатаў і Думай Астраханскай вобласці; Пагадненне аб супрацоўніцтве і развіцці ўзаемаадносін паміж Магілёўскім абласным Саветам дэпутатаў і Заканадаўчым Сходам Новасібірскай вобласці; План мерапрыемстваў на 2023-2025 гады па рэалізацыі Пагаднення паміж Магілёўскім абласным Саветам дэпутатаў і Заканадаўчым Сходам Калужскай вобласці аб супрацоўніцтве і развіцці ўзаемаадносін і План мерапрыемстваў на 2023-2025 гады па рэалізацыі Пагаднення паміж Магілёўскім абласным Саветам дэпутатаў і Заканадаўчай узаемаадносін. Пагадненне аб устанаўленні партнёрскіх/пабрацімскіх адносін паміж Добраўскім раёнам Ліпецкай вобласці і Магілёўскім раёнам - на ўзроўні райвыканкамаў.

У рамках падрыхтоўкі да X Форуму рэгіёнаў Беларусі і Расіі (па стану на 20 чэрвеня) суб'ектамі гаспадарання Магілёўскай вобласці заключаны экспартныя камерцыйныя кантракты з расійскімі контрагентамі на суму $230 млн (у 2022 г. - $191,6 млн). Таксама, у рамках X Форума ААТ «Магілёўхімвалакно» плануе падпісанне мемарандума аб супрацоўніцтве на пастаўку ў 2024 годзе поліэфірных нітак на суму ₽221 млн.

Шэраг дакументаў аб супрацоўніцтве закране і ў сферу адукацыі. Плануецца падпісанне пагаднення аб супрацоўніцтве і пратакола аб акадэмічным і навуковым абмене паміж Санкт-Пецярбургскім дзяржуніверсітэтам і Беларуска-Расійскім універсітэтам, а таксама пагадненні паміж гэтымі дзвюма вышэйшымі навучальнымі ўстановамі аб рэалізацыі праекта «Беларуска-Расійскі цэнтр сучасных адукацыйных тэхналогій і гуманітарных навук». Таксама БРУ падпіша дамову аб супрацоўніцтве з Астраханскім дзяржаўным тэхнічным універсітэтам і пагадненне аб далучэнні да Кансорцыума «Расійска-Беларускі універсітэцкі саюз «РАЗАМ» на базе Пскоўскага дзяржуніверсітэта. А Беларуская дзяржаўная ордэнаў Кастрычніцкай Рэвалюцыі і Працоўнага Чырвонага Сцяга сельскагаспадарчая акадэмія плануе падпісаць дамову аб супрацоўніцтве з Казанскім дзяржаўным аграрным універсітэтам.

У ходзе форуму, акрамя падпісання шэрага міжурадавых і міжрэгіянальных пагадненняў аб супрацоўніцтве, плануецца правядзенне культурных, адукацыйных і спартыўных мерапрыемстваў.

Арганізатары форума - Савет Рэспублікі Нацыянальнага сходу Рэспублікі Беларусь і Савет Федэрацыі Федэральнага Сходу Расійскай Федэрацыі.

mogilevnews.by