Магілёўскі «ЦАР-Барысфен» стаў сярэбраным прызёрам чэмпіянату Беларусі па баскетболе. Пра гэта паведамляе сайт Беларускай федэрацыі баскетбола.
У фінальнай серыі наша каманда тройчы сустракалася з «Цмокі-Мінск». Пасля двух паражэнняў на дамашняй пляцоўцы (76:64 і 89:69), магілёўцы ў першым матчы ў Мінску зноў саступілі «Драконам» (80:71), устанавіўшы канчатковы лік у серыі 3:0. «Цмокі» адсвяткавалі 11-е чэмпіёнства запар.
Найлепшым цэнтравым фіналу стаў наш Вадзім Пракапенка, а аднаклубнік Браян Стар атрымаў узнагароду як найлепшы абаронца.
«У першую чаргу хачу павіншаваць сваю каманду з «серабром» у прыватнасці і выдатным сезонам увогуле, – сказаў галоўны трэнер «Барысфена» Андрэй Крыванос. – Я ганаруся сваімі падапечнымі і тым, як яны праявілі сябе ў гэтай фінальнай серыі. Вядома, нам не хапіла нашых лідараў, якія атрымалі траўмы. Аднак галоўнае – гэта тое, што баскетбол у Магілёве развіваецца і ўсе мы на правільным шляху. Асобнае дзякуй заўзятарам, яны, без сумнення, найлепшыя і з’яўляюцца нашым шостым гульцом».
Фота - «ЦАР-Барысфен»
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 11:59
24.04.2024 - 09:53
Ігар Бокій выйграў другое золата чэмпіянату Еўропы па параплаванню
22.04.2024 - 09:46
Магіляўчанін Ягор Шарамкоў выйграў бронзу ў апорным скачку на этапе Кубка свету ў Досе
19.04.2024 - 11:05
Магіляўчанін Ягор Шарамкоў выйшаў у фінал у апорным скачку на этапе Кубка свету ў Катары
18.04.2024 - 17:56
Адкрыты турнір па фехтаванні «Меч Машэкі» праходзіць у Магілёве
17.04.2024 - 12:23