Магілёўскі спартсмен заваяваў залаты медаль на міжнародным турніры па каратэ

У горадзе Шарджа (Аб'яднаныя Арабскія Эміраты) прайшлі міжнародныя спаборніцтвы па каратэ «EMIRATES SPORTS KARATE OPEN». У іх прынялі ўдзел больш за 600 спартсменаў з 19 краін свету.

 

У складзе зборнай Беларусі на татамі выходзілі 8 спартоўцаў. На іх рахунку 2 залатыя і 4 бронзавыя медалі ў раздзелах кумітэ і ката.

 

Залатую ўзнагароду турніру ў кумітэ (вагавая катэгорыя да 60 кг) заваяваў магілёўскі спартсмен Алег Мялехін.