01.06.2020 - 09:32

Калектывам УК «Магілёўскі абласны драматычны тэатр» і УК «Магілёўская гарадская капэла» прысвоена званне «Заслужаны калектыў Рэспублікі Беларусь». Пра гэта паведамілі ў Магілёўскім аблвыканкаме.

Як расказалі суразмоўцы, адпаведныя пастановы Міністэрства культуры № 45 і № 46 падпісаныя 27 мая.

Магілёўскія калектывы адзначаны за важкі ўклад у развіццё беларускай нацыянальнай культуры, выдатныя дасягненні ў мастацтве, адпаведны мастацкі ўзровень і творчыя паказчыкі.