Матчы гандбалістаў Беларусі і Расіі балельшчыкі паглядзяць бясплатна

Гандбалісты зборных Беларусі пачнуць серыю таварыскіх матчаў з камандай Расіі.

Першы з трох спарынгаў адбудзецца сёння на пляцоўцы магілёўскага спарткомплексу «Алімпіец». Гульня пачнецца ў 17.00 і будзе паказана ў прамым эфіры тэлеканала «Беларусь 5». У складзе беларускай зборнай згуляюць усе наймацнейшыя гульцы, уключаючы Арцёма Каролька з польскага «Кельце» і Мікіту Вайлупава з венгерскага «Веспрэма», якія выступаюць у Лізе чэмпіёнаў.

Другая сустрэча беларускіх і расійскіх гандбалістаў адбудзецца 3 лістапада ў Гомелі, а 5 лістапада сапернікі сустрэнуцца ў Мінску. Уваход на ўсе гульні вольны.

БЕЛТА