12.06.2026 - 11:41

Справядлівасць судовай сістэмы, перамовы з Прэзідэнтам Ганы, спачуванне Прэзідэнту Філіпін у сувязі з чалавечымі ахвярамі пры землятрусе, захаванне аховы здароўя на дзяржаўным узроўні – гэтымі і іншымі пытаннямі днямі займаўся Кіраўнік дзяржавы. Карэспандэнтка Ірына Мендзялева паразмаўляла з жыхарамі Магілёўскай вобласці, каб даведацца пра іх меркаванні на гэты конт.

Марына Гінтава, намеснік старшыні камісіі па справах непаўналетніх райвыканкама:

– Падчас сустрэчы са старшынёй Вярхоўнага Суда Расіі Ігарам Красновым Аляксандр Лукашэнка адзначыў, што самыя залежныя людзі – гэта суддзі, якія залежныя ад закона. Ён падкрэсліў, што суддзі павінны мець пэўны вопыт і судзіць, як гавораць у народзе, па справядлівасці. Поўнасцю падтрымліваю нашага Прэзідэнта: у кожнай прававой дзяржаве вяршэнства закона забяспечвае абарону правоў грамадзян і развіццё грамадства, гарантуе парадак. Чалавек з ранняга ўзросту павінен засвоіць, што трэба выконваць законы, памятаць аб няўхільнасці пакарання за супрацьпраўныя дзеянні, незалежна ад сацыяльнага статусу і пасады. Пры гэтым рашэнне суда павінна быць справядлівым.

Аляксандр Какойчанка, дзяржінспектар па энергетычным і газавым наглядзе Круглянскай раённай інспекцыі:

– Аляксандр Лукашэнка правёў перагаворы з Прэзідэнтам Ганы Джонам Драмані Махамам. Дасягнуты дамоўленасці аб супрацоўніцтве ў розных сферах: па ўмацаванні харчовай бяспекі афрыканскай краіны пры падтрымцы Беларусі, па ўзаемадзеянні ў галіне адукацыі і медыцыны, гандлёва–эканамічным супрацоўніцтве. Мудрая знешняя палітыка беларускага лідэра – пастаянна павялічваць кола сваіх прыхільнікаў, знаходзіць агульныя інтарэсы, кропкі судакранання на розных кантынентах. Разам нашы краіны становяцца мацнейшымі, нам лягчэй разам вырашаць мноства пытанняў, пераадольваць крызісы і санкцыйны ціск.

Алена Пшанічная, старшыня Сідаравіцкага сельсавета Магілёўскага раёна:

– Аляксандр Лукашэнка ад імя беларускага народа і сябе асабіста накіраваў шчырае спачуванне Прэзідэнту Філіпін Фердынанду Маркасу – малодшаму ў сувязі з чалавечымі ахвярамі ў выніку магутнага землятрусу. Кіраўнік дзяржавы адрасаваў словы падтрымкі родным і блізкім загінуўшых, пажадаў акрыяння пацярпелым і выказаў надзею на хуткае пераадоленне наступстваў стыхіі. Важна, што наш Прэзідэнт заўсёды падтрымлівае тых, хто мае ў гэтым патрэбу, і не застаецца ў баку ад трагедый. Неаднаразова Беларусь па ініцыятыве Прэзідэнта адпраўляла гуманітарную дапамогу ў зоны прыродных катаклізмаў і ўзброеных канфліктаў.

Сяргей Панкоў, галоўны спецыяліст абласнога прафсаюза работнікаў аховы здароўя:

— Падчас цырымоніі адкрыцця абласной клінічнай бальніцы ў Гродне Аляксандр Лукашэнка падкрэсліў значнасць таго факта, што Беларусь — адзіная краіна, у якой на дзяржаўным узроўні захавалі ахову здароўя, хаця ў свой час многія выступалі за пераход да страхавой медыцыны. Сёння ўсе зразумелі, што значна лепш, калі за ахову здароўя адказвае дзяржава. У шматлікіх краінах медыцынская дапамога абыходзіцца так дорага, што не кожнаму па кішэні, а ў выпадку сур'ёзнай хваробы страхоўка далёка не заўсёды пакрывае выдаткі. Людзі жывуць у пастаянным напружанні: толькі б не было праблем са здароўем, бо не заўсёды ў іх ёсць магчымасць нават выклікаць хуткую дапамогу. У нас жа медыцына настолькі даступная, што некаторыя нават не задумваюцца, якая гэта выгада, і часам зусім не клапоцяцца аб уласным здароўі. Мы сапраўды жывем у сацыяльна арыентаванай дзяржаве.

СБ