18.10.2023 - 12:55

У Магілёве месячнік па ўборцы і добраўпарадкаванні пачнецца 21 кастрычніка з агульнагарадскога суботніка. Пра гэта расказалі ў гарвыканкаме.

Месячнік па навядзенні парадку на тэрыторыі абласнога цэнтра пройдзе з 21 кастрычніка па 4 лістапада. За гэты час будзе праведзена вялікая работа па ўборцы і добраўпарадкаванні двароў, плошчаў, сквераў і вуліц, а таксама паркаў, зон адпачынку і іншых аб'ектаў сацыяльна-бытавога і культурнага прызначэння. Асаблівая ўвага будзе ўдзелена мемарыяльным комплексам, месцам баявой і воінскай славы, будпляцоўкам і прамысловым зонам.

Намаганні будуць накіраваны таксама на ліквідацыю несанкцыянаваных звалак і аднаўленне парушанага добраўпарадкавання ў месцах правядзення раскопак.

Падчас месячніка пройдуць два агульнагарадскія суботнікі па навядзенні парадку - 21 кастрычніка і 4 лістапада.

БЕЛТА