Мінадукацыі: з гэтага года выпускнікі каледжаў могуць атрымаць вышэйшую адукацыю за тры гады

З гэтага года выпускнікі каледжаў могуць атрымаць вышэйшую адукацыю за тры гады. Аб гэтым расказаў начальнік галоўнага ўпраўлення прафесійнай адукацыі Міністэрства адукацыі Сяргей Пішчаў у праекце БЕЛТА «Краіна гаворыць».

У Беларусі павялічваецца колькасць дзевяцікласнікаў, якія паступаюць у каледжы пасля заканчэння. Але пры гэтым сістэма вышэйшай адукацыі не стаіць на месцы і стварае дадатковыя магчымасці для выпускнікоў каледжаў, якія атрымалі сярэднюю спецыяльную адукацыю, - гэта магчымасць атрымання вышэйшай адукацыі ў скарочаны тэрмін. «У адпаведнасці з даручэннем і аналізам, які правялі нашыя Рэспубліканскі інстытут вышэйшай школы, Рэспубліканскі інстытут прафесійнай адукацыі разам з ВНУ і каледжамі, сёлета па шэрагу спецыяльнасцяў мы скарацілі тэрмін навучання ў завочнай форме да трох гадоў. Гэта каля 50 спецыяльнасцяў», - адзначыў Сяргей Пішчаў.

Гэтага дастаткова, упэўнены ён, з улікам выключэння дубліравання навучальных дысцыплін, якія праходзілі на ўзроўні сярэдняй спецыяльнай адукацыі. «З гэтага года выпускнікі каледжаў змогуць атрымаць вышэйшую адукацыю за тры гады. Рабяты ў нас працаўладкоўваюцца на першае працоўнае месца, прафесійна растуць, атрымліваюць практычны досвед на першым працоўным месцы і атрымліваюць у завочнай форме вышэйшую адукацыю», - заўважыў начальнік галоўнага ўпраўлення.

БЕЛТА