15.04.2021 - 09:45

Вакцыну «Спутник V» («Гам Ковід Вак»), разліў якой праводзіўся на РУП «Белмедпрэпараты», адобрыла Міністэрства аховы здароўя, паведамілі ў прэс-службе Міністэрства аховы здароўя.

Рашэнне прынята па выніках усебаковай экспертнай ацэнкі матэрыялаў рэгістрацыйнага дасье, праведзенай спецыялістамі Цэнтра экспертыз і выпрабаванняў у ахове здароўя, РНПЦ мікрабіялогіі і эпідэміялогіі.

Паўпрадукт вакцыны вырабляе АТ «Генериум», якое ўваходзіць у структуру АТ «Фармстандарт». Ранняя вакцына «Спутник V», вырабленая на гэтай расійскай пляцоўцы, ужо была зарэгістраваная ў Беларусі і на працягу некалькіх месяцаў выкарыстоўваецца для вакцынацыі медыцынскіх работнікаў, адзначылі ў прэс-службе Міністэрства аховы здароўя.

Кантроль якасці – як доследна-прамысловых серый, так і прамысловых серый – праводзіў цэнтр імя М. Ф. Гамалеі сумесна з РУП «Белмедпрэпараты». Плануецца, што аб’ём вакцыны, якая выпускаецца на беларускім прадпрыемстве, складзе да 500 тыс. доз штомесяц. Гэта дазволіць істотна павялічыць даступнасць вакцынацыі беларускім грамадзянам.

БЕЛТА