22.09.2021 - 14:29

Міністэрства аховы здароўя зацвердзіла інструкцыю аб парадку падачы кіслароду пацыенту з дапамогай назальных канюль або кіслароднай маскі. Гэта прадугледжана загадам №1141 ад 21 верасня 2021 года, размешчаным на сайце Міністэрства аховы здароўя.

Як растлумачылі ў прэс-службе Міністэрства, дакумент вызначае парадак правядзення кіслароднай тэрапіі пацыентам клінічных аддзяленняў бальнічных арганізацый і хуткай медыцынскай дапамогі. Адзначаецца, што правядзенне кіслароднай тэрапіі пацыентам ажыццяўляюць медыцынскія работнікі з сярэдняй медадукацыяй, урачы-спецыялісты.

У міністэрстве нагадалі, што кіслародная тэрапія (аксігенатэрапія) – выкарыстанне кіслароду пры аказанні медыцынскай дапамогі пацыентам з рознымі формамі хранічнай і вострай дыхальнай недастатковасці.

БЕЛТА