Міністэрства аховы здароўя зацвердзіла патрабаванні да санітарнай аховы тэрыторыі Беларусі

Зацверджаны санітарна-эпідэміялагічныя патрабаванні да санітарнай аховы тэрыторыі Беларусі. Гэта прадугледжана пастановай Міністэрства аховы здароўя ад 5 сакавіка 2024 года нумар 43, якая афіцыйна апублікавана на Нацыянальным прававым інтэрнет-партале.

Пастановай устанаўліваюцца санітарна-эпідэміялагічныя патрабаванні да парадку арганізацыі і правядзення санітарна-проціэпідэмічных мерапрыемстваў па санітарнай ахове тэрыторыі Рэспублікі Беларусь, санітарна-каранціннаму кантролю ў пунктах пропуску праз дзяржаўную граніцу. Гэтыя нормы і правілы абавязковыя для захавання дзяржорганамі, іншымі арганізацыямі, фізічнымі асобамі, у тым ліку індывідуальнымі прадпрымальнікамі.

Згодна з дакументам, у кожнай вобласці, раёне, горадзе, раёне ў горадзе павінен быць распрацаваны і рэалізоўвацца міжведамасны комплексны план па санітарнай ахове тэрыторыі, які зацвярджаецца мясцовым выканаўчым і распарадчым органам. У тэрытарыяльныя комплексныя планы ўключаюцца арганізацыйныя, санітарна-проціэпідэмічныя, лячэбна-дыягнастычныя мерапрыемствы, а таксама матэрыяльна-тэхнічнае абсталяванне структурных падраздзяленняў шпітальнай базы з афармленнем пашпарта як у перыяд адсутнасці выпадкаў інфекцыйных захворванняў, так і ў перыяд пагрозы ўзнікнення і распаўсюджвання інфекцыйных захворванняў. пры лакалізацыі і ліквідацыі ўзніклых эпідэмічных ачагоў інфекцыйных захворванняў.

У арганізацыях аховы здароўя аператыўны план мерапрыемстваў па лакалізацыі і ліквідацыі надзвычайнай сітуацыі, звязанай з рэгістрацыяй выпадку інфекцыйнага захворвання распрацоўваецца і зацвярджаецца кіраўніком арганізацыі аховы здароўя, уводзіцца ў дзеянне ў выпадку выяўлення асоб з сімптомамі, якія не выключаюць інфекцыйныя захворванні. У пунктах пропуску аператыўны план распрацоўваецца тэрытарыяльнымі органамі і ўстановамі, якія ажыццяўляюць дзяржаўны санітарны нагляд і ўзгадняецца з зацікаўленымі дзяржорганамі і арганізацыямі.

Поўны спіс патрабаванняў да санітарнай аховы тэрыторыі Беларусі прыкладаецца да пастановы.

Гэта пастанова ўступае ў сілу праз месяц пасля яе афіцыйнага апублікавання.

БЕЛТА