Міжнародная спартакіяда інваспорту збярэ ў Магілёве больш за 100 удзельнікаў

Міжнародная спартакіяда інваспорту «Залаты леў» збярэ ў Магілёве больш за 100 удзельнікаў. Пра гэта паведамілі ў Магілёўскім гарвыканкаме.

Праходзіць спартакіяда будзе 1-2 ліпеня на базе фізкультурна-аздараўленчага комплексу «Н2О».

Сёлета ў спаборніцтвах прымуць удзел 17 каманд, больш за 100 удзельнікаў з Масквы, Санкт-Пецярбурга, Нара-Фамінска, Сергіева Пасада, Каралева, Сафонава, Процвіна, Смаленска, Луганска, Мінска, Магілёва, а таксама каманды Магілёўскай вобласці.

Праграма спартакіяды ўключае: спаборніцтвы па жульбаку, кульбута, стральбе з пнеўматычнай вінтоўкі, карнхолу, дартсу, бочэ, новусу, армрэстлінгу.

Пераможцы і прызёры спаборніцтваў будуць вызначаны ў асабістым і камандным заліку.

Урачыстае адкрыццё спартакіяды пройдзе 1 ліпеня ў 10.00.

БЕЛТА