16.10.2025 - 11:15

У Магілёўскай вобласці з 8 па 22 кастрычніка праходзіць міжнародны пленэр па жывапісе «Вобраз Радзімы ў выяўленчым мастацтве». Яго ўдзельнікамі сталі мастакі з Беларусі, Азербайджана, Кыргызстана, Узбекістана, Казахстана і розных рэгіёнаў Расійскай Федэрацыі. Арганізатарам мерапрыемства выступіў Магілёўскі аблвыканкам.

За тыдзень правядзення пленэру ўдзельнікі наведалі з экскурсіяй музеі Магілёва, Буйніцкае поле, Музей Славы Магілёўшчыны.

А ўчора мастакі пабывалі ў Шклове, на Трафімавай крыніцы, у Александрыі. З асаблівай цікавасцю наведалі музей у Александрыйскай сярэдняй школе, клас, у якім вучыўся Прэзідэнт Рэспублікі Беларусь Аляксандр Лукашэнка. Засталіся пад вялікім уражаннем ад мемарыяльнага комплексу «Усакіна» і партызанскай гісторыі Клічаўскага раёна.

Удзельнікі адзначаюць, якая цудоўная прырода нашага краю, асабліва залатой восенню. У найбліжэйшыя дні яны прадоўжаць працаваць над сваімі палотнамі.

mogilevnews.by