Міжрэгіянальная дыялогавая пляцоўка, прысвечаная Дню народнага адзінства, прайшла ў Магілёве

Міжрэгіянальная дыялогавая пляцоўка, прысвечаная Дню народнага адзінства, прайшла ў Магілёве. Удзел у ёй прынялі прадстаўнікі ідэалагічнай вертыкалі, намеснікі кіраўнікоў прадпрыемстваў, спецыялісты па рабоце з моладдзю г. Мінска і г. Магілёва.

Візіт дэлегацыі пачаўся з ускладання кветак на Буйніцкім полі і экскурсіі па мемарыяльным комплексе. Затым удзельнікі наведалі ААТ «Бабулін гладыш», дзе намеснік генеральнага дырэктара па ідэалагічнай рабоце і сацыяльных пытаннях прадпрыемства Святлана Сташэўская правяла экскурсію. Таксама яна падрабязна расказала аб формах і метадах ідэалагічнай работы ў працоўным калектыве.

Заключная частка праграмы адбылася ў філіяле «Магілёўскія электрычныя сеткі» РУП «Магілёўэнерга». Тут прайшоў адкрыты дыялог «У адзінстве - наша сіла». З прывітальным словам да ўдзельнікаў звярнуліся начальнік упраўлення ідэалагічнай работы галоўнага ўпраўлення ідэалагічнай работы і па справах моладзі Магілёўскага аблвыканкама Наталля Дашкова і намеснік кіраўніка адміністрацыі Кастрычніцкага раёна г. Мінска Сяргей Сборцаў.

Падчас мерапрыемства ўдзельнікі выступілі з дакладамі, абмеркавалі актуальныя пытанні, абмяняліся досведам і меркаваннямі. Кіраўнік Магілёўскага рэгіянальнага аддзялення Беларускага інстытута стратэгічных даследаванняў Алег Корапаў распавёў пра настроі беларусаў напярэдадні электаральнай кампаніі:

- Сёння насельніцтва больш згуртаванае, колькасць людзей, якія вераць у лепшае, павялічылася.

 mogilevnews.by