25.02.2026 - 12:59

Аб'яўлены старт штогадовага конкурсу маладых журналістаў «Залатое пяро «Белай Русі» - 2026». Пра гэта паведамілі ў Міністэрстве інфармацыі.

Тэма конкурсу – «Жанчына Беларусі: сіла каранёў і крылы мары». Прымаюцца работы аб тых, хто захоўвае сямейны ачаг і стварае будучыню Беларусі - гісторыі поспеху, разважанні аб ролі сучаснай беларускі і сувязі пакаленняў.

Да ўдзелу запрашаецца таленавітая моладзь ва ўзросце да 35 гадоў у чатырох катэгорыях: «Навучэнец» (школьнікі, навучэнцы ССНУ і ПМА), «Студэнт» (слухачы ВНУ), «Аматар» (працуючая моладзь па-за сферай СМІ) і «Прафесіянал» (супрацоўнікі).

Работы прымаюцца з 2 сакавіка па 24 красавіка 2026 года. Пераможцаў раённага этапа вызначаць да 13 мая 2026 года, абласнога - да 29 мая 2026 года, фінальнага рэспубліканскага этапа - да 15 чэрвеня 2026 года.

З патрабаваннямі да афармлення, крытэрыямі ацэнкі і многім іншым можна азнаёміцца ў сацыяльных сетках Мінінфарма.

БЕЛТА