Адзіны дзень урачыстага прыёму ў рады грамадскіх аб'яднанняў пройдзе ў Магілёўскай вобласці 13 сакавіка

У Музеі Славы Магілёўшчыны 13 сакавіка адбудзецца ўрачыстая цырымонія ўступлення моладзі і дарослых актывістаў у рады вядучых грамадскіх аб'яднанняў Рэспублікі Беларусь. Пра гэта паведамілі ў абкаме БРСМ.

Як адзначаюць арганізатары, выбар месца правядзення мерапрыемства сімвалічны: музей, які захоўвае памяць аб гераічных старонках гісторыі рэгіёну, стане ідэальнай пляцоўкай для ўмацавання пачуцця нацыянальнага гонару, згуртаванасці і пераемнасці пакаленняў.

Цырымонія аб'яднае прадстаўнікоў усіх трох ступеняў грамадзянскага станаўлення асобы: школьнікаў, якія ўступаюць у ГА «БРПА» – акцябрат і піянераў. Актыўную моладзь, якая папаўняе шэрагі ГА «БРСМ». Прадстаўнікоў дарослага пакалення, якія ўступаюць у рады РГА «Белая Русь».

Сумесная дзейнасць гэтых аб'яднанняў забяспечвае бесперапыннасць выхаваўчай работы: ад першых крокаў у піянерскай дружыне праз актыўны ўдзел у жыцці БРСМ да грамадска–палітычнай і сацыяльна значнай дзейнасці ў радах РГА «Белай Русі».

Мерапрыемствы пройдуць сінхронна па ўсім рэгіёне на гарадскім і раённым узроўнях.

Рэд.