«МедыяСтарт» у абласным цэнтры збярэ юных блогераў і стваральнікаў кантэнту

Абласны моладзевы медыя–форум «МедыяСтарт» 11 сакавіка аб'яднае актыўных рабят, якія ствараюць кантэнт, здымаюць відэа, вядуць блогі і цікавяцца сучаснай журналістыкай. Форум стане кропкай прыцягнення для 100 удзельнікаў з ліку тых, хто хоча заявіць пра сябе і навучыцца новаму ў прафесіяналаў. Пра гэта расказалі ў абкаме БРСМ.

Праграма «МедыяСтарта» пабудавана так, каб удзельнікі не проста слухалі лекцыі, а сышлі з рэальнымі навыкамі і гатовымі ідэямі.

У першай частцы форуму эксперты медыясферы правядуць адкрыты дыялог з удзельнікамі. Вострыя і актуальныя тэмы для абмеркавання, майстар–класы. Удзельнікі змогуць задаць пытанні запрошаным спікерам з ліку вядомых журналістаў і паспяховых блогераў.

Кульмінацыяй форуму стане медыя–батл – інтэлектуальны квіз, які праверыць, наколькі добра ўдзельнікі разбіраюцца ў свеце сучасных камунікацый. Пытанні будуць самымі нечаканымі: ад гісторыі журналістыкі да значэння папулярных мемов і апошніх лічбавых тэхналогій.

Форум закліканы дапамагчы моладзі знайсці свой унікальны голас у вялізнай інфармацыйнай прасторы.

Ред.