Моладзь Магілёўшчыны збярэцца на першым абласным злёце студэнцкіх атрадаў для непаўналетніх «Формула атрадаў»

З 20 па 22 сакавіка Магілёўская вобласць стане цэнтрам прыцягнення для актыўнай і працавітай моладзі. У рэгіёне ўпершыню пройдзе абласны злёт студэнцкіх атрадаў для непаўналетніх «Формула атрадаў», які аб'яднае больш за 300 удзельнікаў з усёй вобласці, а таксама гасцей са Смаленскай, Бранскай абласцей і Прыморскага краю. Пра гэта паведамілі ў абкаме БРСМ.

Урачыстае адкрыццё злёту адбудзецца на мемарыяльным комплексе «Буйніцкае поле». Праграма стартуе з мітынгу «Іх імёнамі названы студэнцкія атрады», пасля чаго для ўдзельнікаў правядуць экскурсію па мемарыяле і Музею Славы Магілёўшчыны.

Асноўныя мерапрыемствы злёту разгорнуцца на базе санаторыя «Дубравенка». Для дзяцей падрыхтавана насычаная праграма, якая дазволіць байцам студэнцкіх атрадаў не толькі адпачыць, але і абмяняцца вопытам, а таксама атрымаць новыя карысныя навыкі.

Ключавымі падзеямі злёту стануць адукацыйны блок, спартовая і адукацыйная праграмы.

Так, для ўдзельнікаў будзе працаваць «Школа БСА», «Медыя–школа», а таксама пройдуць майстар–класы па розных напрамках дзейнасці студатрадаў, у тым ліку «МК «Напрамкі БСА».

Дзеці прымуць удзел у «БСА–зарадцы», «Гульнях БСА» і спартакіядзе, дзе змогуць праявіць свой спрыт і камандны дух. Творчыя і забаўляльныя мерапрыемствы: У праграме – квіз «БСА», камунікатыўны інтэактыў «Знаёмка», квэст «Сакрэт БСА», а таксама доўгачаканая «Байцоўка–паці».

Кульмінацыяй другога дня стане творчы фестываль «Запальвае студатрад» і конкурс відэаролікаў «Праца нас аб'ядноўвае», дзе дэлегацыі прадставяць свае візітныя карткі і творчыя нумары.

Вынікі злёту падвядуць 22 сакавіка 2026 года (нядзеля) на цырымоніі закрыцця, пасля чаго адбудзецца спартакіяда і ад'езд дэлегацый.

Правядзенне абласнога злёту студэнцкіх атрадаў для непаўналетніх «Формула атрадаў» – гэта важны крок у развіцці студатрадаўскага руху рэгіёна. Магілёўшчына стане пляцоўкай, дзе байцы змогуць пазнаёміцца, падзяліцца вопытам і зарадзіцца энергіяй на новы працоўны сезон. «Формула атрадаў» заклікана нагадаць, што студэнцкія атрад – гэта школа жыцця, сяброўства і працы.

Рэд.