Прафсаюзная акцыя «Дапамога ветэрану - памяць у дзеянні» аб'яднала моладзь арганізацый Магілёўскай вобласці

Штогод Беларускі прафсаюз работнікаў ЖКГ і сферы абслугоўвання праводзіць акцыю «Дапамога ветэрану – памяць у дзеянні».

Як расказаў старшыня абласной арганізацыі прафсаюза Павел Жуйкоў, мерапрыемствы акцыі актыўна рэалізуюцца ў Магілёўскай вобласці. Ініцыятыву падтрымліваюць працоўныя калектывы з розных куткоў рэгіёна. У рамках акцыі аказваецца адрасная дапамога непрацуючым ветэранам галіны, а таксама людзям, якія ўдзельнічалі ў аднаўленні краіны пасля Вялікай Айчыннай вайны:

– У гэтым годзе моладзь арганізацый стала актыўнымі ўдзельнікамі акцыі. Дзеці наведваюць былых работнікаў арганізацый, аказваюць пасільную дапамогу ў вырашэнні бытавых пытанняў, навядзенні парадку на прысядзібных участках, добраўпарадкаванні тэрыторыі і іншым.

Як адзначылі ў абласной арганізацыі прафсаюза, такія мерапрыемствы даюць магчымасць наладзіць прамы дыялог паміж маладымі работнікамі і ветэранамі арганізацый. Жыццёвы досвед старэйшага пакалення становіцца трывалай асновай для прафесійнага росту моладзі і захавання традыцый прадпрыемстваў.

Рэд.