Музей Масленнікава запрашае юных магілёўцаў пазнаёміцца з гісторыяй гадзіннікаў

Магілёўскі абласны музей імя П. В. Масленікава запрашае ўсіх жадаючых на навагодні «ўікэнд». Пра гэта паведамілі ва ўстанове культуры.

Як расказалі суразмоўцы, мерапрыемства адбудзецца ў нядзелю, 2 студзеня з 14:00 да 15:00. У гэты час супрацоўнікі музея правядуць для гасцей інтэрактыўныя заняткі «У свеце гадзінікаў» (4+).

У ходзе займальнага ўрока дзеці пазнаёмяцца з цікавай гісторыяй узнікнення гадзіннікаў, даведаюцца пра іх разнавіднасці, прынцыпе працы і ролі ў нашым паўсядзённым жыцці. Таксама дзецям раскажуць, як у старажытнасці вымяралі час сонечнымі, зорнымі і вадзянымі гадзіннікамі.

Рэд.