Цырымонія запальвання агнёў на галоўнай ёлцы ў Магілёве пройдзе 15 снежня. Пра гэта паведамілі ва ўпраўленні культуры Магілёўскага гарвыканкама.
Для жыхароў і гасцей горада арганізатары свята падрыхтавалі яркую і цікавую праграму. На плошчы Леніна гледачы змогуць паглядзець мюзікл «Таямніцы Магутнага Льва». Акрамя гэтага, тут пройдуць выступленні найлепшых творчых калектываў. Ні адно навагодняе свята, упэўнены арганізатары, не можа праходзіць без удзелу казачных персанажаў. Дарослыя і дзеці разам з Дзедам Марозам і Снягуркай збяруць чароўную карту сузор’я Льва.
Навінкай традыцыйнага свята сёлета стане навагодні флэшмоб #Елочка_поем_вместе. Усім гасцям мерапрыемства прапануюць успомніць словы і далучыцца да выканання знаёмай усім песні «В лесу родилась елочка». Дапамагчы выканаць упадабаны ўсімі навагодні хіт у Магілёў прыедуць зоркі беларускай эстрады Тэа і Вольга Рыжыкава.
Пачатак свята а 18.00.
Пры выкарыстанні матэрыялаў актыўная гіперспасылка на mogilev-region.gov.by абавязковая
