05.07.2025 - 14:17
«Зроблена ў Беларусi» — традыцыйная выстава тэхнікі, якую прадставілі гасцям фестывалю «Александрыя збірае сяброў». Можна не толькі паглядзець, але і пратэставаць узоры МТЗ, МАЗ, Geely.

Мінскі трактарны завод традыцыйна ўдзельнічае ў фестывалі і штораз прыцягвае да свайго павільёна сотні гледачоў. Спецыяліст па рэкламе і выставах ААТ «МТЗ» Дзмітрый Рындзевіч расказвае:

- У гэтым сезоне прывезлі шырокую лінейку - ад мотаблокаў і міні-трактароў да універсальнага трактара магутнасцю 136 конскіх сіл. Выстава заўсёды папулярная ў гасцей. На гэты раз вырашылі дадаць інтэрактыву - можна паспрабаваць завесці трактар. Дзеткам падабаецца!

Уладзімір і Людміла Сакуноўскія з унукамі Маргарытай і Аляксандрам фатаграфуюцца каля міні-трактара. Сям'я прыехала з Оршы, на фестывалі - кожны год:

- Праўда, звычайна прыязджаем да вечара - на салют. У гэтым сезоне захацелі поўнасцю адчуць атмасферу свята, таму прыбылі да адкрыцця. Паспелі паглядзець айчынныя навінкі, сярод іх нашы матацыклы.Глядзяцца класна! Фестываль вельмі любім - тут адпачываем ад усіх клопатаў. У праграме - канцэрт, авіяшоу, таксама плануем паспрабаваць мясцовыя дэлікатэсы.

Уладзімір Ішчанка ганарыцца айчыннымі дасягненнямі. Сам родам з Александрыі, але жыве ў Мінску:

- Краіна настолькі ступіла наперад, што азіраючыся назад, разумею - гэта неба і зямля. Памятаю, як раней у вёсцы знікала святло, былі перабоі з электрычнасцю. Цяпер у кожнага смартфоны, машыны, узровень жыцця прыкметна вырас. Я кожны год прыязджаю на радзіму, хаджу на канцэрт, спецыяльна купляю білет на яго. Гэта магчымасць убачыць артыстаў, убачыць нашага Прэзідэнта, дзякуючы якому краіна ідзе наперад.

СБ