Сёння ў Гродне стартаваў маштабны IX Форум рэгіёнаў Беларусі і Расіі. Яго галоўнай тэмай стала «Роля міжрэгіянальнага супрацоўніцтва ў паглыбленні інтэграцыйных працэсаў у межах Саюзнай дзяржавы». Удзел у такім значным мерапрыемстве прымае старшыня Крычаўскага райвыканкама Андрэй Седукоў.
У межах форуму прадстаўнікі краін-суседак абмяркоўваюць пытанні імпартазамяшчэння, інтэграцыі эканамічных структур, супрацоўніцтва Расійскай Федэрацыі і Рэспублікі Беларусь у навукова-тэхналагічнай сферы ва ўмовах санкцыйнага ціску, падыходы да фарміравання адзінай прамысловай палітыкі Саюзнай дзяржавы і іншыя.
Адным з вынікаў мерапрыемства стала падпісанне пагадненняў аб супрацоўніцтве. Так, кіраўнік нашага раёна Андрэй Седукоў падпісаў пагадненне аб устанаўленні партнёрскіх (пабрацімскіх) адносін паміж Гразінскім раёнам Ліпецкай вобласці і Крычаўскім раёнам Магілёўскай вобласці. Ён абмяняўся з кіраўніком адміністрацыі Гразінскага раёна Уладзімірам Рашчупкіным запэўненнямі ў наладжванні ўзаемадзеяння ў сферы адукацыі, аховы здароўя і культуры.
– Дакумент надасць чарговы імпульс усебаковаму супрацоўніцтву паміж нашымі рэгіёнамі, – выказаў упэўненасць Андрэй Мікалаевіч. Ён адзначыў, што пагадненне дазволіць наладзіць камунікацыю не толькі ў сацыяльнай сферы, але і паміж суб’ектамі гаспадарання.
Гразінскі раён з’яўляецца флагманам Ліпецкай вобласці за кошт размяшчэння тут аднаго з самых эфектыўных індустрыяльных паркаў Расіі – ДЭЗ «Ліпецк». Там ужо запушчана 27 прадпрыемстваў. Гэта самы паспяховы раён рэгіёна ў плане эканомікі. Таксама Гразінскі раён – лідар сацыяльных праектаў.
Дарэчы, падобныя пагадненні падпісала толькі пяць раёнаў Беларусі.
Пры выкарыстанні матэрыялаў актыўная гіперспасылка на mogilev-region.gov.by абавязковая
06.05.2024 - 14:44
06.05.2024 - 12:24
Ровары і электраровары перадалі сацработнікам Краснаполля (відэа)
03.05.2024 - 14:36
03.05.2024 - 10:00