На пазачарговай сорак шостай сесіі абласнога Савета дэпутатаў унеслі змены ў рашэнні ў сферах бюджэту, дзяржаўных і інвестыцыйных праграм

Пазачарговая сорак шостая сесія Магілёўскага абласнога Савета дэпутатаў прайшла 12 мая. Удзел у ёй узялі старшыня абласнога Савета дэпутатаў Ірына Раінчык, намеснікі старшыні аблвыканкама Валерый Малашка і Руслан Страхар, кіраўнік спраў аблвыканкама Мікалай Дзядкоў. Таксама на пасяджэнні прысутнічалі дэпутаты абласнога Савета, члены аблвыканкама, кіраўнікі структурных падраздзяленняў аблвыканкама, старшыні гарадскіх і раённых Саветаў дэпутатаў, прадстаўнікі сродкаў масавай інфармацыі.

Згодна з парадкам дня, былі разгледжаны дзевяць пытанняў, якія патрабавалі ўдакладненняў некаторых рашэнняў абласнога Савета дэпутатаў, якія закранаюць сферы бюджэту, інвестыцыйных праграм рэгіёну, дзяржаўных праграм «Сацыяльная абарона», «Здароўе народа і дэмаграфічная бяспека», «Культура Беларусі» і іншыя.

Акрамя таго, падчас сесіі адбылося ўзнагароджанне за правядзенне першага рэгіянальнага форуму «Мясцовае самакіраванне ў Магілёўскай вобласці: Ініцыятыва. Адзінства. Дзеянне. Вынік». Падзячным лістом адзначаны начальнік аддзела выхаваўчых сістэм і тэхналогій МДАІРА Ірына Мулерава і дырэктар гістарычнага музея Крычава Уладзімір Мішчанка. Падзячныя пісьмы абласной асацыяцыі мясцовых Саветаў дэпутатаў уручаны начальніку галоўнага ўпраўлення па адукацыі аблвыканкама Андрэю Заблоцкаму, начальніку галоўнага ўпраўлення ідэалагічнай работы і па справах моладзі аблвыканкама Кацярыне Музычэнка, рэктару МДАІРА Міхаілу Жудро, МДАІРА рэктару МДУ імя А.А.Куляшова Дзянісу Дуку, рэктару БРУ Міхаілу Лусцянкову. Падзяка абласной асацыяцыі мясцовых Саветаў дэпутатаў аб'яўлена першаму прарэктару БРУ Юрыю Машыну, дырэктару Магілёўзелянбуда Пятру Аляксейчыкаву, настаўніку геаграфіі СШ №27 Магілёва, старшыні Маладзёжнага парламента пры абласным Савеце дэпутатаў Міхаілу Пагоцкаму, начальніку цэнтра развіцця рэгіянальнай адукацыі МДАІРА Юліі Сухан.

Юлія Таранава, фота Галіны Гаўрыловіч