На сайце КДК апублікаваныя планы выбарачных праверак суб’ектаў гаспадарання на другое паўгоддзе 2020 года

На афіцыйным сайце Камітэта дзяржкантролю размешчаны планы выбарачных праверак у абласцях і г.Мінску на другое паўгоддзе 2020 года.

Усяго кантралюючымі і нагляднымі органамі на названы перыяд па краіне запланавана 2598 праверак. З іх 338 будуць праведзены ў Магілёўскай вобласці.

На Магілёўшчыне праверкамі будзе ахоплена 292 суб’екты. Найбольшая колькасць запланавана Мінпрацы і сацабароны (62, або 18,3%), МНС (61, або 18,0%). Удзельная вага праверак органаў Камітэта дзяржкантролю ў планах другога паўгоддзя складае 2,7%.

Больш за палову (66%) запланаваных на названы перыяд праверак – наглядныя (праверкі пытанняў, якія тычацца бяспекі жыцця, здароўя грамадзян і навакольнага асяроддзя).

Азнаёміцца падрабязней з планамі выбарачных праверак на другое паўгоддзе 2020 года можна на сайце Камітэта дзяржкантролю па адрасе www.kgk.gov.by.