Над зніжэннем сабекошту цэменту актыўна працуюць на Беларускім цэментным заводзе ў Касцюковічах

У мінулым годзе на ААТ «Беларускі цэментны завод» у Касцюковічах пачаліся прамысловыя выпрабаванні па падборы эфектыўных інтэнсіфікатараў памолу цэменту. Мэта – атрымліваць высокамарачны хуткацвярдзеючы матэрыял адпаведнай якасці пры мінімальных энергазатратах, паведамілі ў Беларускай цэментнай кампаніі.

Папярэднія вынікі паказваюць: прадукцыйнасць цэментных млыноў павялічылася на 20 %, адпаведна на 5 % знізіўся ўдзельны расход электраэнергіі на выраб 1 тоны цэменту. Як вынік, сабекошт прадукцыі паменшыўся на 2 %. Ужыванне інтэнсіфікатараў памолу цэменту дазволіла скараціць выдаткі да Br85 тыс.

golk.by