Натарыусы Беларусі 14 кастрычніка бясплатна пракансультуюць шматдзетных мам, паведаміў памочнік старшыні Беларускай натарыяльнай палаты (БНП) Артур Стрэх.
Сёлета рэспубліканскую дабрачынную акцыю прымеркавалі да святкавання Дня маці, яна пройдзе ў рэжыме анлайн. Удзел у ёй прымуць усе натарыяльныя канторы і натарыяльныя бюро краіны.
На працягу працоўнага дня жанчыны, якія выхоўваюць трох і больш дзяцей, могуць звярнуцца да натарыуса і атрымаць кансультацыю па пытаннях, якія ўваходзяць у кампетэнцыю спецыяліста. Каб мінімізаваць асабістыя кантакты для абароны насельніцтва ад магчымых рызык заражэння каранавіруснай інфекцыяй, у дзень правядзення акцыі натарыусы будуць бясплатна кансультаваць па тэлефонах натарыяльных кантор і натарыяльных бюро, а таксама дыстанцыйна з ужываннем відэасувязі (месенджары). Фармат прадастаўлення бясплатнай кансультацыі можна ўзгадніць загадзя, патэлефанаваўшы ў натарыяльную кантору або натарыяльнае бюро. Кантактныя даныя можна ўдакладніць на сайце Беларускай натарыяльнай палаты belnotary.by у раздзеле «Знайсці натарыуса».
Акрамя таго, 14 кастрычніка на сайце Беларускай натарыяльнай палаты адбудзецца анлайн-семінар для грамадзян, прысвечаны пытанням сведчання шлюбных дагавораў, пагадненняў аб падзеле маёмасці, пагадненняў аб дзецях і пагадненняў аб выплаце аліментаў. Натарыусы раскажуць, як мірна і без суда дамовіцца аб выхаванні і забеспячэнні дзяцей або падзяліць сумесны нажытак , а таксама адкажуць на пытанні грамадзян. Пачатак анлайн-семінара ў 11.00. Пытанні можна загадзя накіраваць на адрас электроннай пошты info@belnotary.by, указаўшы сваё імя і горад пражывання. Адказы прагучаць падчас анлайн-семінара.
Пры выкарыстанні матэрыялаў актыўная гіперспасылка на mogilev-region.gov.by абавязковая
17.04.2024 - 17:56
17.04.2024 - 15:56
Мінадукацыі: пул заявак для жадаючых паступіць у ВНУ па мэтавым накіраванні зацвердзяць да 1 мая
17.04.2024 - 13:59
Выязны асабісты прыём правядзе ў Магілёўскім аблвыканкаме Андрэй Рыбакоў
17.04.2024 - 11:42
З якімі прапановамі ідуць на Усебеларускі народны сход выбраныя дэлегаты