19.01.2026 - 12:15

Старшыня Магілёўскага аблвыканкама Анатоль Ісачанка прадставіў сёння свайго новага намесніка Ігара Клішо, узгодненага на гэтую пасаду Прэзідэнтам Беларусі Аляксандрам Лукашэнкам 15 студзеня.


Ігар Клішо будзе курыраваць пытанні будаўніцтва і жыллёва-камунальнай гаспадаркі. Да гэтага часу ён працаваў на пасадзе старшыні камітэта па архітэктуры і будаўніцтве Магілёўскага аблвыканкама.


Уручаючы яму службовае пасведчанне і віншуючы з уступленнем на пасаду, Анатоль Ісачанка адзначыў, што ўвесь працоўны шлях Ігара Клішо звязаны з Магілёўскай вобласцю. Ён падкрэсліў, што Ігар Лявонцьевіч мае высокі ўзровень прафесійнай падрыхтоўкі, а таксама вялікі вопыт работы ў сферы будаўніцтва і дзяржаўнага кіравання і яго прызначэнне на пасаду намесніка старшыні Магілёўскага аблвыканкама будзе садзейнічаць дынамічнаму развіццю Магілёўскай вобласці: «Чалавек вядомы, прафесіянал у сваёй сферы. Новая пасада - гэта яшчэ больш высокі ўзровень. Таму жадаем усяго найлепшага і новых працоўных поспехаў».


Юлія Таранава, фота аўтара і Анастасіі Камковай