03.06.2026 - 11:47

Пытанні будаўніцтва інжынерна–транспартнай інфраструктуры і асфальтавання дарог разгледжаны сёння на асабістым прыёме грамадзян старшыні абласнога выканаўчага камітэта Анатоля Ісачанкі.


Так, па садзейнічанне ў падвядзенні камунікацый да зямельнага ўчастка, выдзеленага для будаўніцтва і абслугоўвання жылога дома, звярнуўся жыхар абласнога цэнтра. Мужчына расказаў, што ў 2024 годзе іх шматдзетная сям'я, якая мае патрэбу ў паляпшэнні жыллёвых умоў, атрымала ўчастак. Аднак из–за адсутнасці электрычнасці і добраўпарадкаванага праезду да ўчастку, ва ўсталяваныя заканадаўствам тэрміны жылы дом пабудаваць на ім не ўяўляецца магчымым.


Заяўніку растлумачылі, што шэраг работ ужо запланаваны: з ліпеня будзе пачата будаўніцтва вадаправода і каналізацыі, арыенціровачна ў жніўні – сетак электразабеспячэння. Дакументацыя распрацавана, аб'екты ў графік уключаны. Старшыня аблвыканкама даў даручэнне завяршыць работы да канца года. Запланаваўшы на наступны год добраўпарадкаванне пад'язных шляхоў. Таксама Анатоль Ісачэнка звярнуў увагу прадстаўнікоў мясцовай вертыкалі на больш сур'ёзны і прадуманы падыход да выдзялення ўчасткаў для будаўніцтва, загадзя прадугледзеўшы ўладкаванне неабходных камунікацый.


Ад імя жыхароў вёскі Купёлы Магілёўскага раёна па пытанні магчымасці асфальтавання ўчастка дарогі, які злучае некалькі вуліц з трасай Магілёў–Шклоў, звярнуліся яшчэ двое грамадзян. Раней жыхары ўжо звярталіся да органаў выканаўчай улады з просьбай аб рамонце. Аднак прынятых мер па падсыпцы заніжаных месцаў інэртнымі матэрыяламі, паводле слоў заяўнікаў, недастаткова.

Кіраўнік рэгіёну распарадзіўся адправіць на месца працоўную групу і прыняць рашэнне па далейшых дзеяннях пасля дэталёвага вывучэння сітуацыі.


Юлія Таранава, фота Галіны Гаўрыловіч