Навучэнцы Магілёўскага архітэктурна-будаўнічага каледжа сталі ўдзельнікамі сусветных інжынерных гульняў (WEC). Навучальная ўстанова першай сярод беларускіх ССНУ падключылася да праверкі ведаў на спаборніцтвах такога высокага ўзроўню, паведамілі карэспандэнту сайта ва ўстанове адукацыі.
«Адразу ў некалькіх краінах – Расіі, Беларусі і Турцыі 19-20 студзеня прайшлі першыя ў 2019 годзе турніры WEC. Рэгіянальным аператарам і ініцыятарам тура ў нашай краіне выступіла «Акадэмія новых тэхналогій», – адзначылі суразмоўцы. – Акрамя Магілёўскага калежда, у спаборніцтвах таксама ўзялі ўдзел моцныя каманды адукацыйных арганізацый з Масквы, Астрахані, Новасібірска, Ніжняга Ноўгарада і Турцыі».
У першы дзень юнакі працавалі над стварэннем мадэлі грузавога робата-памочніка для кухні. Усе прадстаўленыя варыянты адрозніваліся арыгінальнасцю і высокім узроўнем выканання, што было адзначана арганізатарамі і куратарамі з Масквы. У другі дзень будучыя інжынеры спаборнічалі ў індывідуальным заліку, выбраўшы адно з чатырох заданняў. Навучэнцы каледжа стваралі пару жаночага абутку на платформе з унікальным драўляным абцасам і грамафон 21 стагоддзя.
«Усе конкурсныя работы выконваліся ў новым праграмным прадукце Autodesk Fusion 360, што дазволіла не проста паўдзельнічаць у спаборніцтвах, але і паралельна асвоіць новае праграмнае забеспячэнне, – адзначылі суразмоўцы. – Усе навучэнцы архітэктурна-будаўнічага каледжа справіліся з пастаўленай задачай. Вынікі будуць падведзены ў найбліжэйшы час. Пажадаем нашымудзельнікам удачы і натхнення на будучыя праекты».
Пры выкарыстанні матэрыялаў актыўная гіперспасылка на mogilev-region.gov.by абавязковая
06.05.2024 - 12:11
Рэспубліканскі конкурс студэнцкіх сем'яў стартуе ў Магілёве 16 мая
06.05.2024 - 09:57
24.04.2024 - 15:15
На ўзбярэжжы заліва Дняпра ў чэмпіянаце «Кубак чысціні Беларусі» паспаборнічаюць 23 каманды
23.04.2024 - 10:50
Моладзевы вясновы баль прайшоў у Жыліцкім палацава-паркавым ансамблі