У мікрараёне Казіміраўка пабудуюць сучасную паліклініку, якая будзе разлічана на 850 наведванняў у змену, паведаміў начальнік галоўнага ўпраўлення па ахове здароўя Магілёўскага аблвыканкама Аляксандр Жылін.
Будаўнічыя работы плануецца пачаць ужо восенню. Фінансаванне будзе весціся за кошт спонсарскіх сродкаў, з абласнога і рэспубліканскага бюджэтаў. Пастаўлена задача пабудаваць новы аб’ект за паўтара года.
«На сённяшні дзень Казіміраўка – адзін з самых вялікіх спальных раёнаў Магілёва. Тут і ў суседнім мікрараёне Спадарожнік пражывае ўжо больш за 33 тыс. жыхароў. Гэтыя тэрыторыі актыўна забудоўваюцца і развіваюцца. Таму пры будаўніцтве новай установы аховы здароўя мы закладваем запас магутнасці і на перспектыву, думаючы ўжо цяпер пра будучыню і камфорт для мясцовых жыхароў», – адзначыў Аляксандр Жылін.
Паводле яго слоў, гэта будзе адна з найбуйнейшых паліклінік у горадзе, самая сучасная шматфункцыянальная медустанова. У сяміпавярховым будынку прапішуцца дзіцячае і дарослае аддзяленні. Прычым у кожнае будзе прадугледжаны асобны ўваход. За ім узвядуць яшчэ адзін аб’ект для клініка-дыягнастычнай лабараторыі і водалячэння, які злучаць з асноўным корпусам паліклінікі пераходнай галерэяй.
Будзе аказвацца шырокі спектр лячэбна-кансультацыйных паслуг: кансультацыі ўрачоў-спецыялістаў, клініка-дыягнастычныя лабараторныя даследаванні, функцыянальная і ультрагукавая дыягностыка, стаматалогія, жаночая кансультацыя і іншыя.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.05.2024 - 16:59
Нормы часу і расходу матэрыялаў на платныя медпаслугі па стаматалогіі зменяцца з 1 ліпеня
06.05.2024 - 10:45
19.04.2024 - 12:38
У Магілёве працягваецца ўзвядзенне новага корпуса гарадской бальніцы хуткай медыцынскай дапамогі
18.04.2024 - 09:00
Хуткасць абслугоўвання, камфорт пацыентаў. Аўтабаза аховы здароўя аптымізавана ў Магілёве
10.04.2024 - 15:25
У Магілёўскай вобласці ўпершыню правялі адзіны дзень цяжарных