22.10.2019 - 12:13

Паводле даных на сённяшнюю раніцу, у перапісе насельніцтва праз інтэрнэт і ў стацыянарных пунктах прыняло ўдзел амаль 5 млн. беларусаў, у тым ліку больш за 463 тыс. жыхароў Магілёўскай вобласці.

Сёння стартуе новы этап: перапісчыкі пойдуць па адрасах. З 9.00 да 21.00 яны будуць наведваць грамадзян, якія не прайшлі перапіс іншымі спосабамі.

Калі ў перапісчыка няма з сабой планшэта і сумкі са спецыяльным лагатыпам, а таксама спецыяльнага пасведчання і пашпарта, лепш не пускаць яго ў сваё жыллё. У выпадку сумненняў можна патэлефанаваць па адзіным нумары 8-801-100-31-31 і пераканацца, што гэты чалавек мае права праводзіць апытанне. Званок будзе бясплатным.

Перапіс насельніцтва будзе праягвацца да 30 кастрычніка. Да гэтага часу будуць працаваць стацыянарныя ўчасткі.