Па слядах VI Усебеларускага народнага сходу: старшыня Магілёўскага гарвыканкама Уладзімір Цумараў

Уладзімір Цумараў, старшыня Магілёўскага гарадскога выканаўчага камітэта, дэлегат VI Усебеларускага народнага сходу:

– Атрымалася шчырая размова, у якой выразна расстаўлены прыярытэты ў далейшым лёсе Беларусі з прынцыповай ацэнкай таго шляху, які пройдзены. Галоўны пасыл, які прасочваецца ва ўсім выступленні Прэзідэнта, – гэта арыенцір на ўпартую працу і ўпэўненасць у заўтрашнім дні. Наша краіна годна завяршыла мінулую пяцігодку і ўпэўнена падышла да новага перыяду развіцця.

За апошнія гады ў Магілёве шмат зроблена. Высокія вынікі дасягнуты ў прамысловасці, актыўна развіваецца сацыяльная сфера: штогод у горадзе адкрываюцца аб’екты як гарадскога, так і абласнога значэння. Рэалізацыя шматлікіх праектаў стала магчымай дзякуючы падтрымцы кіраўніка дзяржавы, кіраўніцтва аблвыканкама, эфектыўнаму ўзаемадзеянню ўлады горада і працоўных калектываў. За апошнія пяць гадоў у горадзе склалася станоўчая дынаміка па ўводзе жылля, у тым ліку і індывідуальнага.

Вырашана пытанне з дэфіцытам свабодных тэрыторый пад забудову. Ідзе развіццё мікрараёна Спадарожнік-2, у распрацоўцы мікрараён Саломінка-2. І ў новай пяцігодцы будаўніцтву жылля будзе нададзена вялікая ўвага. Вынік прынятых мер – рост сацыяльна-эканамічных паказчыкаў, прамысловага патэнцыялу, інфраструктуры горада. Наша згуртаванасць – залог поспеху!

«Вестник Могилева»