Па слядах «Вялікай размовы». Уладзімір Гацко: «Памылак мінулага года мы паўтараць не павінны»

Уладзімір Гацко, дэпутат Палаты прадстаўнікоў Нацыянальнага сходу Рэспублікі Беларусь:

– «Вялікая размова з Прэзідэнтам» яшчэ доўга будзе прадметам для абмеркавання. Усе, хто быў у зале або ля экрана ТБ, у чарговы раз маглі пераканацца, якая вялікая сіла праўды.

Год таму нашу краіну хацелі разбурыць, здзейсніць спробу дзяржаўнага перавароту, мы назіралі за патокамі хлусні, якія ліліся з усіх бакоў. Нас хацелі штучна падзяліць. Памылак мінулага года мы паўтараць не павінны.

Мы ўсе памятаем, як міжнародныя арганізацыі заклікалі Беларусь да ўвядзення лакдаўна, але ўлады рэспублікі не аб’яўлялі надзвычайнае становішча ў барацьбе з каранавіруснай інфекцыяй. Прэзідэнт пайшоў па сваім шляху, не пабаяўшыся быць нязручным для калектыўнага Захаду. І ўвесь свет убачыў, што тактыка цалкам сябе апраўдала. Беларуская мадэль барацьбы з каранавірусам даказала не толькі сваю эфектыўнасць, але і дапамагла захаваць эканоміку, працоўныя месцы, а галоўнае – жыцці: смяротнасць ад кавіду нават блізка не падступіла да лічбаў у Еўропе і ЗША.

Сёння мы павінны ведаць, што з намі моцны і адданы лідар, які заўсёды будзе змагацца за сваю краіну. А гэта значыць, што людзі ніколі не застануцца без падтрымкі дзяржавы, а гэта значыць, што перамог мудры беларускі народ.

bobrlife.by