Пачаўся візіт парламенцкай дэлегацыі Саюзнай дзяржавы ў Беларусь

У аэрапорт Магілёва прыбыў старшыня Дзяржаўнай думы Федэральнага сходу Расійскай Федэрацыі Вячаслаў Валодзін. Каля трапа самалёта спікера Дзярждумы прывітаў старшыня Палаты прадстаўнікоў Нацыянальнага сходу Рэспублікі Беларусь Ігар Сергяенка. Вячаслава Валодзіна таксама сустрэлі Надзвычайны і Паўнамоцны Пасол Расійскай Федэрацыі ў Рэспубліцы Беларусь Барыс Грызлоў, старшыня Магілёўскага аблвыканкама Анатоль Ісачанка.

Сёння, 7 верасня, адбудзецца пленарнае пасяджэнне Маладзёжнага форуму Саюзнай дзяржавы «Роля моладзі ў захаванні і абароне гістарычнай памяці». Парламентарыі, а таксама маладыя гісторыкі і грамадскія дзеячы абмяркуюць тэмы патрыятызму і ўмацаванні сяброўскіх сувязей паміж краінамі.

Галоўная мэта форуму - выхаванне патрыятызму, захаванне агульнай гістарычнай памяці і абмеркаванне пытанняў рэалізацыі сумеснай маладзёжнай палітыкі. Ідэя форуму - выбудаваць дыялог з актыўнай моладдзю для выпрацоўкі ўзгодненых падыходаў у патрыятычным выхаванні, гарманізацыі заканадаўства і распрацоўкі Стратэгіі развіцця маладзёжнай палітыкі Саюзнай дзяржавы.

СБ