Дэлегацыя Магілёўскай вобласці прымае ўдзел у мерапрыемствах, прысвечаных Дням культуры Варонежскай вобласці З 10 па 12 чэрвеня ў сталіцы Беларусі жадаючым прадастаўлена магчымасць пазнаёміцца з культурным набыткам варонежскага краю Пра гэта расказалі ў Магілёўскім абласным метадычным цэнтры НТ і КПР.
Так, 11 чэрвеня ў рамках мерапрыемстваў у Мінскім дзяржаўным мастацкім каледжы імя А.К.Глебава прайшоў круглы стол, прысвечаны перспектыўнаму супрацоўніцтву Рэспублікі Беларусь з Варонежскай вобласцю Расійскай Федэрацыі ў сферы культуры. У рамках круглага стала выступіў дырэктар Магілёўскага абласнога метадычнага цэнтра народнай творчасці і культурна-асветнай працы Алег Хмялькоў. У сваім выступленні ён зазначыў, што культурнае супрацоўніцтва з рэгіёнамі Расійскай Федэрацыі было і застаецца прыярытэтным у дзейнасці ўстаноў культуры Магілёўскай вобласці.
- Нашы культуры цесна пераплятаюцца, асабліва народная, таму ва ўстановах культуры многія аспекты работы падобныя, у прыватнасці, падыходы і формы работы па захаванню і актуалізацыі каштоўнасцей народнай культуры, - адзначыў ён.
Адной са значных падзей Дзён культуры Варонежскай вобласці стала падпісанне пагаднення аб культурным супрацоўніцтве паміж установай культуры «Магілёўскі абласны метадычны цэнтр народнай творчасці і культурна-асветнай працы» у асобе дырэктара Алега Хмялькова і дзяржаўнай бюджэтнай установай культуры Варонежскай вобласці «Варонежскі абласны цэнтр народнай творчасці і кіно » у асобе дырэктара Алены Багачовай.
Юлія Таранава, фота прадстаўлены Магілёўскім абласным метадычным цэнтрам народнай творчасці і культурна-асветнай працы
Пры выкарыстанні матэрыялаў актыўная гіперспасылка на mogilev-region.gov.by абавязковая
21.06.2024 - 10:37
Міжнародны пленэр «Магілёў на палотнах расійскіх мастакоў» праходзіць у абласным цэнтры
18.06.2024 - 15:33
Унікальная выстава аднаго дня «Усходняя Элегантнасць» пройдзе 25 чэрвеня ў музеі імя П.В.Масленікава
17.06.2024 - 14:11
Гран-пры V адкрытага фестывалю роставых лялек прывёз з Дзятлава калектыў Магілёўскага драмтэатра
11.06.2024 - 11:29
Народны хор народнай песні імя У.Я. Балаханава рыхтуецца да фестывалю «Вянок сяброўства»
11.06.2024 - 10:45
«Вялікая бард-рыбалка» пройдзе на Чыгірынскім вадасховішчы 26-28 ліпеня