Паўдзельнічаць у стварэнні Музея Славы Магілёўскай вобласці можа кожны ахвочы

«Музей Славы Магілёўскай вобласці» - гэта чарговы сігнал, як унутры беларускага грамадства, так і за межамі нашай рэспублікі, усёй сусветнай супольнасці, што мы захоўваем гістарычную праўду. Такім меркаваннем падзяліліся ў абласным камітэце БРСМ.

Ужо другі год у будаўніцтве музейнага комплексу працуюць байцы студэнцкіх атрадаў Магілёўшчыны. Дзеці ўносяць свой уклад у будучыню дзяцей і моладзі, якія атрымаюць магчымасць вывучаць тут асаблівасці станаўлення беларускай дзяржаўнасці, знаёміцца з народнымі традыцыямі.

«Дапамагчы гэтай добрай справе можа кожны, - дапоўнілі ў камітэце. – У рамках рэалізацыі праекта па выкананні будаўніча-мантажных работ і стварэнні экспазіцый па музеефікацыі мемарыяльнага комплексу «Буйніцкае поле» установай культуры «Магілёўскі абласны краязнаўчы музей ім. А.Р.Раманава» адкрыты рахунак для збору дабрачынных сродкаў на вышэйпаказаныя мэты. Не застацца ўбаку, стаць часткай гісторыі - па сілах кожнаму».

Рэд.