18.08.2020 - 10:45

Паўсотні станцый абезжалезвання вады запрацуе на Магілёўшчыне ў 2020 годзе. Мэта адпаведнай дзяржаўнай праграмы – забеспячэнне жыхароў рэгіёна якаснай пітной вадой.

У аграгарадку Родня Клімавіцкага раёна будуюць станцыю абезжалезвання. Работы пачалі ў сярэдзіне лета і плануюць скончыць да канца верасня. Аналагічная станцыя паспяхова працуе ў суседнім аграгарадку Асмолавічы, дзе паслугамі цэнтральнага водазабеспячэння без малога карыстаецца 200 чалавек.

Праграма «Чыстая вада» прыйшла ў Клімавіцкі раён два гады таму. Яе галоўная мэта –палепшыць якасць пітнога водазабеспячэння. А іменна – кантраляваць ваду па паказчыках жалеза.

Якаснай вадой у Магілёўскай вобласці забяспечана 90% жыхароў. Давесці гэтую лічбу да 100 плануюць да 2025 года.

ТРК «Магілёў»