16.10.2024 - 17:55

Нечарговая восьмая сесія Магілёўскага абласнога Савета дэпутатаў дваццаць дзевятага склікання прайшла сёння ў Магілёве пад старшынствам Аляксандра Гарошкіна.

У рабоце сесіі прынялі ўдзел прадстаўнікі дэпутацкага корпуса, члены аблвыканкама і кіраўнікі структурных падраздзяленняў аблвыканкама, прадстаўнікі праваахоўных органаў і інспекцыі Міністэрства па падатках і зборах Магілёўскай вобласці, сродкаў масавай інфармацыі.

Згодна з парадкам дня, разгледжаны 7 пытанняў, якія датычацца змянення і ўдакладнення некаторых рашэнняў абласнога Савета дэпутатаў у прыватнасці бюджэту, Інвестыцыйнай праграмы, Дзяржаўнай праграмы «Аграрны бізнес» на 2021-2025 гады, аказання падтрымкі навучэнцам дзяржаўных устаноў адукацыі ў выглядзе навагодніх падарункаў, а таксама іншыя. пытанні, якія патрабуюць аператыўнага прыняцця рашэнняў.

Юлія Таранава, фота Таццяны Мядзведзевай