Пераможцамі заключнага этапа рэспубліканскай алімпіяды па вучэбных прадметах сталі 95 школьнікаў Прыдняпроўскага краю

Пераможцамі заключнага этапа рэспубліканскай алімпіяды па вучэбных прадметах сталі 95 школьнікаў рэгіёна. Пра гэта паведамілі ў галоўным упраўленні па адукацыі Магілёўскага аблвыканкама.

«Заключны этап рэспубліканскай алімпіяды па вучэбных прадметах прайшоў падчас вясновых канікулаў - з 25 па 29 сакавіка, - расказалі ва ўпраўленні. - Магілёўскую вобласць на інтэлектуальных спаборніцтвах прадставіла каманда з 202 навучэнцаў. 95 вучняў  Прыдняпроўскага краю сталі пераможцамі».

Па словах суразмоўцаў, гэта самы высокі вынік за апошнія 10 год.

Адзначаючы заслугі рабят і выкладчыкаў, якія падрыхтавалі іх, першы намеснік начальніка галоўнага ўпраўлення Ігар Лашкевіч адзначыў, што перамогі - гэта вынік вялікай працы: «Нашы хлопцы праявілі мэтанакіраванасць, нестандартнае мысленне, уменне хутка ацаніць новую інфармацыю і сканцэнтравацца на выкананні пастаўленай задачы».

Рэд.