Першы ЦЭ па рускай і беларускай мовах адбудзецца 14 мая

У наступную нядзелю, 14 траўня, выпускнікі напішуць цэнтралізаваны іспыт па рускай і беларускай мовах. Пра гэта паведамілі ў Міністэрстве адукацыі.

У міністэрстве сказалі, што варыянты заданняў строга засакрэчаныя: экзаменацыйныя матэрыялы даставяць падыспытным наўпрост з РІКВ фельд'егерскай службай.

Новыя іспыты вучні будуць здаваць не ў сценах родных устаноў адукацыі, а ў спецыяльных пунктах. Ужо вызначаны па краіне 144 пункты, дабірацца ў якія дзеці павінны цэнтралізавана ў суправаджэнні педагогаў.

Лагістыка ўжо прадумана, сфарміраваны адпаведны графік збору дзяцей у школах і, адпаведна, іх прыбыцця ў пункты ЦЭ.

Само выпрабаванне пачнецца ў 11.00. Прыбыць у пункт ЦЭ неабходна за гадзіну. Там для дзяцей створаць камфортныя ўмовы. Напрыклад, адкрыюць буфет, арганізуюць прагляды прафарыентацыйных ролікаў. Акрамя таго, выпускнікам забяспечана псіхалагічнае суправаджэнне. Галоўнае - засяродзіцца на заданнях, усё спакойна абдумаць і напісаць!

СБ