Першы ў Магілёўскай вобласці падатковы клас адкрылі ў Бабруйску

Першы ў Магілёўскай вобласці падатковы клас адкрыўся 18 верасня ў Бабруйскай школе №34. Пра гэта расказалі ў прэс-цэнтры інспекцыі МПЗ Рэспублікі Беларусь па Магілёўскай вобласці.

Ва ўрачыстым мерапрыемстве прынялі ўдзел Міністр па падатках і зборах Дзмітрый Кійко, старшыня Бабруйскага гарвыканкама Максім Гурын, начальнік інспекцыі МПЗ па Магілёўскай вобласці Алена Бода.

«Адкрыццё падатковага класа стала магчымым дзякуючы пагадненню аб узаемадзеянні і супрацоўніцтве, заключаным паміж адміністрацыяй школы і інспекцыяй Міністэрства па падатках і зборах па Бабруйску», - распавялі ў прэс-цэнтры.

Паводле слоў субяседнікаў, асноўная мэта праекта - фарміраванне ў вучняў асноў падатковай культуры і фінансавай пісьменнасці, развіццё навыкаў планавання і прыняцця абдуманых фінансавых рашэнняў.

Рэд.