Першымі двухтысячнікамі ў Беларусі сталі камбайнеры з ЗАТ «Сервалюкс Агра»

Механізатараў-перадавікаў ЗАТ «Сервалюкс Агра» ўзнагароджвалі прама ў полі. Сяргей Май і Рыгор Бокач да вечара суботы, 13 ліпеня, пераадолелі мяжу ў дзве тысячы тон першымі ў краіне. Павіншаваць камбайнераў прыехалі намеснік старшыні Магілёўскага аблвыканкама Сяргей Савіцкі і старшыня Магілёўскага райвыканкама Алег Чыкіда.

Механізатар Сяргей Май тысячны рубеж перасягнуў яшчэ 7 ліпеня, яго калега Рыгор Бокач ад лідара адстае літаральна на крок. У сельгаспрадпрыемстве днямі тысячнікам стаў яшчэ адзін камбайнер Сяргей Васількоў, а таксама тры вадзіцелі на адвозцы збожжа.

Па першай тысячы тон перадавікі намалацілі на зімавым ячмені, пад яго адведзена звыш 1100 гектараў. Зараз убіраюць азімую пшаніцу. Намеснік дырэктара па аддзяленні «Гуслішчы» ЗАТ «Сервалюкс Агра» Аляксей Дземідзенка адзначае, што сёлета ўраджай збожжавых значна вышэйшы:

- Па азімаму ячменю 48 цэнтнераў з гектара супраць 36 у мінулым годзе. Сёння пачалі ўборку азімай пшаніцы: ураджайнасць пакуль 40 цэнтнераў з гектара, далей яна будзе расці, летась — 28. Пшаніцы нам убіраць 1800 гектараў. Усяго задзейнічаны ў жніве пяць камбайнаў. Да палёў ад нашай цэнтральнай базы - 35 кіламетраў, механізатары прыходзяць да 7:30, іх адвозіць дзяжурны аўтамабіль, бензавозы і абеды прыязджаюць прама ў поле. Нашы камбайнеры ўчора працавалі да паловы на дзесятую вечара, маглі б яшчэ пазней, але трэба адпачываць. Гэта сапраўдныя прафесіяналы. Механізатары разумеюць, што зараз трэба прыбраць усё ў тэрмін і без страт.

СБ