У Магілёве стартаваў пілотны праект па будаўніцтве індывідуальнага жылля прамысловым спосабам, паведаміў у эфіры тэлеканала АНТ галоўны інжынер Упраўлення капітальным будаўніцтвам Магілёва Дзмітрый Хухракоў.
Ужо пабудаваны дзве двухпавярхоўкі плошчай 125 кв. м кожная. Яны зроблены з цэментава-стружкавых пліт. Жыллё здаецца з поўным аздабленнем, да яго прыкладаецца 10 сотак зямлі.
Паводле слоў Дзмітрыя Хухракова, перавагай такога падыходу для грамадзян з’яўляецца тое, што няма неабходнасці купляць участак з аўкцыёну (ён ідзе разам з домам). Таксама пракладваюцца камунікацыі, добраўпарадкоўваецца прылеглая тэрыторыя.
У перспектыве ў Магілёве маюць намер ствараць цэлыя раёны індывідуальнай забудовы. Распрацаваны праект на 38 дамоў, частка з іх можа стаць сацыяльнай.
Як паведамлялася раней, у Беларусі рыхтуецца праграма будаўніцтва індывідуальнага жылля індустрыяльным спосабам. У населеных пунктах будуць вылучацца ўчасткі зямлі для будаўніцтва аднапавярховых блочных жылых дамоў. Іх прапануюць, як у шматкватэрным доме, тым шматдзетным сем’ям, якія маюць патрэбу ў паляпшэнні жыллёвых умоў. Людзі атрымаюць у банку крэдыт, і сродкі пойдуць непасрэдна будаўнічым арганізацыям, якія займаюцца ўзвядзеннем такога жылля.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.07.2024 - 11:22
Аграрыі Магілёўскай вобласці намалацілі 118,1 тыс.тон збожжавых і зернебабовых культур
15.07.2024 - 09:53
У ТАА «Быхаўскі кансервавы завод» ідзе ўборка зялёнага гарошку
12.07.2024 - 15:12
Фабрыка «Чырвоны харчавік» адкрыла фірмовую краму на «Славянскім базары» ў Віцебску
09.07.2024 - 10:52