RU BY EN 中文
Twitter Instagram

Прадстаўнікі Магілёўскай вобласці сталі пераможцамі і лаўрэатамі конкурсу на самае лепшае дасягненне ў будгаліне Беларусі

Арганізацыйны камітэт і журы конкурсу «На самае лепшае дасягненне ў будаўнічай галіне Рэспублікі Беларусь за 2019 год» вызначылі яго пераможцаў і лаўрэатаў, інфармуе Міністэрства архітэктуры і будаўніцтва.  У іх ліку –прадстаўнікі Магілёўшчыны.

У намінацыі «Арганізацыя года» сярод генпадрадных арганізацый да 300 чалавек: дыплом лаўрэата прысуджаны Касцюковіцкай ПМК № 260. У катэгорыі «Кіраўнік года» сярод генпадрадных арганізацый звыш 300 чалавек ганаровага дыплома пераможцы ўдастоены генеральны дырэктар ПУВП «Праметэй» (г. Горкі) Анатоль Федаровіч. Дыпломы лаўрэатаў конкурсу ў намінацыі «Кіраўнік года» сярод генпадрадных арганізацый звыш 300 чалавек прысуджаны генеральнаму дырэктару ААТ «Будтрэст № 12» (г. Магілёў) Дзмітрыю Марозаву і дырэктару Бялыніцкай ПМК № 241 Уладзіміру Раманенку.

У катэгорыі «Аб’ект года» ганаровым дыпломам пераможцы сярод праектных арганізацый адзначана ААТ «Інстытут “Магілёўграмадзянпраект”» за праектаванне СШ № 9 у раёне Казіміраўка г. Магілёва з добраўпарадкаваннем прылеглай тэрыторыі. Сярод генпадрадных арганізацый звыш 300 чалавек дыплом лаўрэата прысуджаны Магілёўскаму домабудаўнічаму камбінату (шматкватэрны жылы дом у мікрараёне Сонечны г. Магілёва з добраўпарадкаваннем прылеглай тэрыторыі), а сярод праектных арганізацый – прадпрыемству «Бабруйскпраект» (рэканструкцыя каналізацыйнага калектара № 3 у Бабруйску).

У намінацыі «Прадукт года» дыплом лаўрэата конкурсу сярод арганізацый прамысловасці будматэрыялаў звыш 300 чалавек прысуджаны ААТ «Крычаўцэментнашыфер»за портландцэмент ЦЕМ I 42,5Н. Акрамя таго, у катэгорыі «Развіццё рэгіёнаў малых і сярэдніх гарадскіх паселішчаў»ганаровага дыплома пераможцы сярод арганізацый удастоена УКБ г. Бабруйска за рэканструкцыю будынка кінатэатра «Арыён» пад Цэнтр культуры і вольнага часу ў г. Глуску.

Сярод устаноў адукацыі, якія рыхтуюць спецыялістаў для будаўнічай галіны, у намінацыі «Арганізацыя года» адзначаны дыпломам лаўрэата архітэктурна-будаўнічы каледж БРУ (г. Магілёў), і ў катэгорыі «Кіраўнік года» – дырэктар дзяржаўнага прафесійнага ліцэя № 9 г. Магілёва імя А. П. Старавойтава Міхаіл Сасонка.

mogilevnews.by

Пры выкарыстанні матэрыялаў актыўная гіперспасылка на mogilev-region.gov.by абавязковая