Праект стратэгіі маладзёжнай палітыкі Саюзнай дзяржавы абмеркавалі на пасяджэнні камісіі Парламенцкага Сходу па маладзёжнай палітыцы, спорце і турызме

Прадстаўнікі Магілёўскага абласнога выканаўчага камітэта прынялі ўдзел у рабоце камісіі Парламенцкага Сходу па маладзёжнай палітыцы, спорце і турызме, які праходзіў у рэжыме анлайн.

Да відэаканферэнц-сувязі таксама далучыліся дэпутаты Парламенцкага Сходу Саюза Беларусі і Расіі, прадстаўнікі Пастаяннага Камітэта Саюзнай дзяржавы, міністэрстваў і ведамстваў.

У час нарады абмеркавалі вынікі 81-га пасяджэння пастаянна дзеючага семінара пры Парламенцкім Сходзе Саюза Беларусі і Расіі па пытаннях будаўніцтва Саюзнай дзяржавы. Пагаварылі аб распрацоўцы праекта стратэгіі развіцця маладзёжнай палітыкі Саюзнай дзяржавы на сярэднетэрміновую перспектыву; аб рэалізацыі палажэнняў Дарожнай карты органаў дзяржаўнай улады Рэспублікі Беларусь, федэральных органаў выканаўчай улады Расійскай Федэрацыі і нацыянальных грамадскіх аб'яднанняў дзвюх краін у сферы маладзёжнай палітыкі на 2025-2027 гады; аб мерах развіцця турыстычнага супрацоўніцтва Расіі і Беларусі ў рамках Саюзнай дзяржавы.

Аб выніках правядзення XVIII фестывалю «Моладзь - за Саюзную дзяржаву» і Маладзёжнага форуму Саюзнай дзяржавы «Роля моладзі ў захаванні і абароне гістарычнай памяці» ў 2025 годзе расказалі прадстаўнікі Магілёўскага аблвыканкама.

Паводле слоў спецыялістаў, маладзёжны форум Саюзнай дзяржавы аб'яднаў амаль 100 маладых дэпутатаў, парламентарыяў, гісторыкаў і грамадскіх грамадзян з Беларусі і Расіі.

«Маштабнае саюзнае мерапрыемства праводзілася ў мэтах умацавання сяброўства паміж моладдзю Беларусі і Расіі. Яго галоўнымі задачамі сталі: выхаванне патрыятызму, захаванне агульнай гістарычнай памяці і абмеркаванне пытанняў рэалізацыі сумеснай маладзёжнай палітыкі, - расказалі спікеры. - Ключавая ідэя форуму заключалася ў выбудоўванні дыялогу з актыўнай моладдзю для выпрацоўкі ўзгодненых падыходаў у патрыятычным выхаванні, гарманізацыі заканадаўства і распрацоўкі стратэгіі развіцця маладзёжнай палітыкі Саюзнай дзяржавы».

У праграму форуму ўвайшлі: пленарнае пасяджэнне, работа ў секцыях, выставы, экскурсіі, сустрэчы, а таксама стратэгічная сесія «Моладзь у сучаснай медыяпрасторы» з удзелам беларускага тэлевядучага, журналіста Рыгора Азаронка.

Як падзяліліся спікеры онлайн сустрэчы, у час работы секцый ад моладзі прагучалі ідэі, якія аб'ядналі намаганні маладых людзей дзвюх краін у справе захавання гістарычнай памяці і ўмацавання Саюзнай дзяржавы.

Выступоўцы падкрэслілі, што на Магілёўшчыне склалася сапраўды добрая і значная традыцыя: праводзіць з удзелам моладзі мерапрыемствы па захаванні гістарычнай памяці: «Ва ўмовах, калі краіны Захаду спрабуюць перапісваюць гісторыю, асаблівую адказнасць нясе маладое пакаленне Саюзнай дзяржавы. Перад ім стаіць сур'ёзная задача: не дапусціць фальсіфікацый, абараняць гістарычную праўду і беражліва захоўваць гісторыю.

Важна разам шукаць новыя фарматы, абмяркоўваць сумесныя перспектывы, працаваць разам над тым, каб захаваць і перадаць гістарычную памяць».

Рэд., фота Галіны Гаўрыловіч